Podcast Telfaz

هو مسلسل جريمة وتحقيق درامي! بدأ عرض موسمه الأول بالـ 2014 ، ومكون من 6 مواسم لوقتنا الحالي بال 2021 والموسم السابع مقرر عرضه هذا العام. جميع المواسم بتحتوي على 10 حلقات فقط. وبناسب المشاهدين اللي أعمارهن فوق ال 18. وبشكل مختصر وبالفكرة العامة، المسلسل بيرافق محقق جرائم القتل هاري بوش بمدينة لوس أنجلوس، يلي إلى جانب عمله بيواجه مشاكل مع القضاء بسبب أفعاله المتهورة لتحقيق العدالة، وبيواجه مشاكل بعلاقته المتفككة مع ابنته المراهقة وزوجته السابقة!

الحلقة مخصصة لمراجعة مسلسل واندافيجين. المسلسل من إنتاج ديزني بلاس وبتدور أحداثه داخل عالم مارفل السنيمائي. من بطولة إيليزابيث أولسن بدور واندا وبول بيتاني بدور فيجين. الشخصيتين تعرفنا عليهما سابقاً بأفلام مارفل متل آيرون مان وأفنجرز وكابتن أميريكا.

حبيت إني خصص هي الحلقة لإحكي عن مسلسل ذا ووكينغ ديد، فأنا شخصياً من أشد المتابعين والمعجبين بهذا العمل، بهي الحلقة رح إحكي بالأول عن المسلسل بشكل عام ومن دون حرق للأحداث لكل الأشخاص يلي لسا ما تابعو، وبالآخر رح إتحدث عن المسلسل وأحداثه التي تطورت بعد الموسم التاسع يعني رح يكون في سبويلرز!

هي الحلقة مخصصة للتحدث عن مسلسل نتفلكس الرومانسي بريدجرتون مسلسل بريدجرتون بالمختصر هو عمل رومانسي... بيحمل شوي من عناصر الدراما وشوي من الكوميديا… بس بحتوي على الكتير من المشاهد الرومانسية الحميمة… لما قول كتير يعني كتير، ما في مبالغة!! ومتل أي عمل، هذا المسلسل فيه عوامل جيدة وفيه عوامل ضعف، وبهي الحلقة رح إتحدث عنها من دون سبويلرز! يلا مع بعض لنتعرف أكثر على مسلسل بريدجرتون...

حلقة بودكاست بالعربي لمراجعة مسلسل نتفلكس بيهايند هير آيز. هو من أعمال نتفلكيس الأصلية وصدر بشهر فبراير. المسلسل بريطاني قصير من موسم واحد فقط وبيناسب المشاهدين فوق الـ.18

حلقة جديدة من بودكاست تلفاز بالعربي لمراجعة مسلسل 11 22 63 من بطولة الممثل الأمريكي جيمز فرانكو. المسلسل التلفزيوني مقتبس من رواية ستيفين كينغ بنفس العنوان وللمخرج المنفذ جيه جيه أبرامز اللي عمل على مسلسلات مهمة مثل لوست وإيلياس وفرينج.

حلقة مختصرة عن تجربة مشاهدة مسلسل واندافيجين. المسلسل من إنتاج ديزني بلاس وبتدور أحداثه داخل عالم مارفل السنمائي. من بطولة إيليزابيث أولسن بدور واندا وبول بيتاني بدور فيجين. الشخصيتين تعرفنا عليهما سابقاً بأفلام مارفل متل آيرون مان وأفنجرز وكابتن أميريكا.

حلقة جديدة من برنامج بودكاست تلفاز لمراجعة مسلسل نتفليكس المستند من فيديو غيم ذا ويتشر. بهي الحلقة حيكون معي ضيف وهو حيتحدث عن المسلسل من وجهة نظر شخص بيلعب فيديو غيمز ومن أشد المعجبين بلعبة ذا ويتشر. المسلسل من بطولة هينري كافيل، ومتوفر منه موسم واحد فقط والموسم الثاني من المتوقع إنه يعرض بصيف هذا العام. من إنتاج نتفلكس وبيناسب المشاهدين فوق الـ .18

بهي الحلقة من بودكاست تلفاز بعمل على مراجعة ومناقشة مسلسل نتفليكس سنوبيرسر. المسلسل من نوع غموض وإثارة درامي وتشويقي، بيتناول موضوع ما بعد نهاية العالم. من بطولة جينيفر كونيلي ودافيد ريغز. قصة سنوبيرسر حلوة بالبداية، ولكن مع تقدم الحلقات بتتشعب القصص بشكل كبير وبتفقد الاحداث تسلسلها.

حلقة بودكاست بالعربي لمراجعة مسلسل أمازون برايم أوريجينال ذا مارفيلوس مسز ميزل. المسلسل من نوع كوميدي درامي. بيطغى على الأجواء عنصر الكوميديا طبعاً ولكن القصة بتعطي الكوميديا معنى جديد تماماً! حيث إنو المواقف المضحكة والمسلية ممزوجة بشكل رائع مع الأحداث وبيمشو إيد بإيد، وخلال المشاهدة بيخلينا المسلسل دائماً حابين نعرف شو رح يصير مع بطلة القصة ميريام مايزل.

مسلسل كينغدوم هو عمل رعب تاريخي درامي كوري متوفر حالياً على نتفليكس وبدأ عرضه بعام 2019، ولهذا الوقت مكون من موسمين وكلا الموسمين بيحتو على 6 حلقات... طبعاً بيناسب المشاهدين فوق الـ 18 بالفكرة العامة لمسلسل كينغدوم فهو بتدور أحداثه بفترة العصور الوسطى بكوريا بعصر مملكة جوسون… بعد مرض الملك بشكل غريب وغامض، بتبدأ القصة بمرافقة المكائد والمؤامرات يلي بتدور بالمملكة، بهدف الجلوس على العرش… وهون لأسباب بتعرفوها خلال المشاهدة، بينطلق ولي العهد الأمير لي تشانغ لمعرفة شو السبب الحقيقي وراء مرض والده الغير مفهوم! ومن بعد هي النقطة، بيتصاعد التوتر والخوف والرعب، لما بينتشر وباء بكل أرجاء المنطقة، بتحول كل المصابين إلى مخلوقات متعطشة للقتل والدماء!! وأنا حاطلق عليهم إسم زومبيز كوريين.

حلقة بودكاست مخصصة لمراجعة ومناقشة مسلسل) Your Honor فخامتك .(هذا المسلسل من بطولة براين كرانستون بطل مسلسل بريكينغ باد بشخصية والتروايت. مسلسل يور أونور درامي وتشويق للمشاهدين فوق 18. بالفكرة العامة للمسلسل فهو بدور حول شخصية القاضي مايكل ديسياتو يلي بتنقلب حياته وبيقع بمعضلة أخلاقية، بعد تورط ابنه آدم بحادثة أودت بحياة شاب يدعى روكو باكستر، وبتبدأ محاولات الوالد اليائسة لحماية ابنه وإخفاء آثار الحادثة.

حلقة بودكاست جديدة مخصصة لمراجعة مسلسل ذا هاندميدز تيل. المسلسل من نوع الدراما البحتة - بتدور احداثه بالمستقبل بوقت بتنتهي فيه الحضارة الأمريكية وبيجي مكانها حكومة دينية متزمتة وبيطلقوا على حالون اسم دولة غيلياد. هي الدولة بتعامل المرأة بشكل ظالم للغاية، وبتحجم دورها بالمجتمع وبيصغرها، ليكون السلطة والكلمة المطلقة للرجال…

حلقة مختلفة عن الحلقات السابقة، بتناول فيها أهمية التلفزيون والمسلسلات التلفزيونية. وأهمية مراجعة ومناقشة ومدح المحتوى التلفزيوني.

شو الاسباب اللي ممكن تخلي الشخص يتخلى عن مسلسل ويتوقف عن متابعته!! في العديد من الأسباب لهذا الشي… وبهي الحلقة رح إطراء للبعض منها... السبب إني اخترت هذا الموضوع لهي الحلقة لأنو هذا الشي يلي صار معي بحالة مسلسلنا لهذا الأسبوع وهو مسلسل آوتلاندر! مشان ما تفهموني خطأ من البداية، وتفكرو إنو المسلسل ليس جدير بالمتابعة، لأ، فأنا شخصياً تابعتو للموسم الثالث… ولهذا السبب رح احكي عن تجربتي الشخصية مع آوتلاندر وشو هي الأشياء يلي فعلاً حلوة وعجبتني، وما هي الأمور يلي خلتني أتخلى عن متابعته!!

حلقة بودكاست جديدة مخصصة لمراجعة مسلسل نتفليكس مايندهانتر. مسلسل جريمة وتحقيق نفسي مستند من أحداث واقعية بالسبعينات. مسلسل جميل وبيعتمد على العوامل النفسية والحوارات العميقة.

حلقة بودكاست جديدة بالعربي مخصصة لمراجعة مسلسل كايت وينسلت الجديد من إنتاج (إتش بي أو) بعنوان مير أوف إيست تاون.

حلقة بودكاست مخصصة لمسلسل الأنيميتد كوميكس إنفنسيبل. يوجد العديد من العوامل يلي بتميز هذا المسلسل عن غيره من نفس النوع!

حلقة بودكاست مخصصة لمراجعة ثلاثية أفلام ذا كونجورينج. القسم الأول بتناول العناصر يلي بتميز أفلام كونجورينج عن غيرها من أفلام الرعب، والقسم الثاني بعمل فيه على مراجعة الجزء الثالث يلي صدر صدر حديثاً بالسينما.

حلقة بودكاست لمراجعة فيلم الرعب والإثارة مكان هادئ الجزء الثاني. من بطولة إيميلي بلانت وميليسنت سيموندز وكيليان مورفي، ومن إخراج جون كراسينسكي.

حلقة بودكاست بالعربي بعمل فيها على مراجعة مسلسل Upload، العمل من إنتاح أمازون برايم وتم عرضه لأول مرة بالـ 2020.

حلقة بودكاست مخصصة لمراجعة مسلسل نتفليكس الإسباني ذا إنوسينت (البريء). بالمختصر المسلسل ما نال إعجابي، ولكن في الكتير من الأشخاص عجبهن كتير. بهي الحلقة من البرنامج رح إحكي عن العوامل يلي بوجهة نظري كانت سبب ضعف.

حلقة بودكاست جديدة حإحكي فيها عن مسلسل يمكن تأخرت شوي بمراجعته، بس من أول ما انتهى عرضه كنت حابة إحكي عنه وهو مسلسل لوكي... بهي الحلقة حإحكي عن رأي الشخصي فيه، وشو هو العامل يلي فعلاً كان مميز! المسلسل صدر بشهر ستة هذا العام ومكون من ست حلقات. وهو من نوع الأكشن والخيال والمغامرة يلي بيرافق سيد الخداع والمكر لوكي… وتم تجديده لموسم تاني! تقييمي الشخصي لمسلسل لوكي هو 75% لعامل القصة 70% لعامل التمثيل 75% لعامل النهاية 80%.

حلقة بودكاست جديدة بالعربي لمراجعة مسلسل نتفليكس الأردني مدرسة الروابي للبنات. هذا الأسبوع كنت ضيفة ببرنامج بودكاست من الأول! وناقشنا المسلسل بتفاصيله... بهي الحلقة رح إعرض بعض المقاطع من الحلقة المشتركة. مدرسة الروابي للبنات IMDB 7.4% بودكاست تلفاز 57%.

بهي الحلقة رح إحكي عن مسلسل كنت متوقعة يفاجئني ويكون حلو! لكتير أسباب كنت متوقعة هذا الشي ورح اشرح هذا الموضوع بالحلقة! المسلسل هو ناين بيرفكت سترينجرز... وهو مستند من كتاب بنفس العنوان للكاتبة ليان موريارتي التي ألفت كتاب بيغ ليتيل لايز. ويمكن هذا أول سبب لتوقعاتي العالية. العمل من نوع غموض وإثارة ودراما وبيناسب المشاهدين فوق ال 18.

حلقة بودكاست خاصة بحكي فيها عن المرشحين لجوائز الإيمي 2021. من مسلسلات وممثلين بالفئات الرئيسية.

حلقة بودكاست مخصصة للمسلسل الكوميدي اللي ترشح لـ 20 جائزة إيمي وحصل على 7 منها هذا العام مسلسل تيد لاسو. العمل من نوع كوميدي درامي بيدور حول مدرب كرة قدم أمريكية انطلق لبريطانيا لتدريب منتخب كرة قدم. عمل رائع وبيستحق المتابعة! اسمعوا الحلقة فيها كتير تفاصيل.

مراجعة مسلسل ذا وايت لوتس. واحد من الأعمال يلي بيطغى عليها الطابع الأمريكي بشكل كبير. حلقة بودكاست بحكي فيها عن فكرة المسلسل لوضح للمستمعين شو طبيعته وفكرته قبل ما تابعوه وتلتزمو فيه!

حلقة جديدة بناقش فيها مسلسل نتفليكس الكوري سكويد غايم لعبة الحبار - ومعي بالحلقة ضيفة مميزة من أشد المحبين للأعمال الكورية. بالرغم من إعجابنا بالمسلسل إلا إنو كان في نقاط ضعف وبالحلقة رح نعمل على مناقشة العناصر القوية والضعيفة.

حلقة بودكاست بحكي فيها عن عدد من الأعمال يلي تابعتها خلال الأسبوع الماضي. مسلسل نتفليكس ميدنايت ماس أو قداس منتصف الليل. فيلم نتفليكس ذا غيلتي (المذنب). الحلقة الأخيرة من الموسم التاني لمسلسل تد لاسو. مسلسل بيغ سكاي (على خدمة شاهد).

حلقة بودكاست حوارية جديدة لمراجعة مجموعة أعمال تابعناها هذا الأسبوع وأهم فيلمين صدروا حديثاً معي بالحلقة ضيفتين: جمان وهويدا. أنا حإحكي عن مسلسل أمازون برايم سنيكي. جمان حتحكي عن مسلسل نتفليكس الكوري. وكمان جمان حتحكي عن مسلسل نتفليكس الكوري هومتاون تشا تشا تشا. هويدا حتكي عن فيلم ديون. ومع بعض كلنا حنعمل على مناقشة فيلم فينوم.

حلقة بودكاست جديدة خصصتها لعملين تابعتهن من قبل فترة وعجبوني، وحبيت إحكي عنهن لأنو ما حصلوا على الشهرة يلي بيستحقوها! المسلسل الأول هو هيلز والمسلسل التاني هو ذا آكت.

حلقة بودكاست بحكي فيها عن أكتر 5 أفلام رعب خوفوني بحياتي لأنو الرعب هو من أكتر الأعمال المفضلة عندي، فبهي الحلقة حكيت عن العديد من الأعمال بشكل مختصر، هذا بالإضافة إلى التحدث عن أكتر 5 أفلام رعب تمكنت من إنها تخوفني بشكل كبير.

حلقة بودكاست بحكي فيها عن أهم الأحداث يلي صارت بمسلسل دكستر بالمواسم الثمانية السابقةوبقدم للمستمعين معلومات عامة عن الموسم الجديد بالإضافة إلى مراجعة الحلقة الأولى من الموسم التاسع الجديد وشو صار مع دكستر بعد نهاية الموسم التامن.

حلقة بودكاست لمراجعة فيلم نتفليكس الجديد رد نوتس من بطولة ذا روك وريان رينولدز وغال غادوت وكمان مراجعة الموسم التالت من مسلسل ييو.

حلقة بحكي فيها عن عدد من الأفلام يلي ما تابعتها أول ما نزلت وحضرتها حديثاً وحبيت قدم للمستمعين رأي الشخصي فيها! الحلقة فيها سبويلرز وبعطي فيها رأي بصراحة تامة. فيلم مولان الدقيقة 1:26 فيلم ذا فاذر الدقيقة 9:35 فيلم بلاك ويدو الدقيقة 15:00

حلقة بعرّف فيها المستمعين على مسلسلين عم يعرضو على نتفليكس وصدروا حديثاً. هيلباوند الكوريي. مسلسل كاوبوي بيبوب.

حلقة حوارية بعرّف فيها المستمعين على عملين من نوع الرومانس والدراما، الحلقة فيها قسمين الأول بقدم العملين بشكل عام والقسم التاني بستضيف (جمان وهويدا) ومع بعض مناقش أعمال الحب والرومانس وفكرة العلاقات بالوقت المعاصر.

حلقة بودكاست بحكي فيها عن مسلسل نتفليكس المستند من لعبة فيديو غيم آركين ليغ أوف ليجيندز، بهي الحلقة الطابع العام يلي فيها إيجابي كتير لأنو هذا أفضل مسلسل شاهدته بآخر كم سنة!

حلقة بحكي فيها عن فيلمين من إنتاجات نتفليكس الأصلية ذا باور أوف ذا دوغ من بطولة بينيديكت كامبرباتش وفيلم بروزد من بطولة هالي بيري. بعرّف المستمعين على الطابع العام لهي الأفلام إذا لسا ما شفتوها. وعلى السريع بحكي عن فيلم إسكيب روم.

هي الحلقة موجهة بالتحديد لمتابعي مسلسل ذا ويتشر! للأشخاص يلي شاهدوا ذا ويتشر من قبل عامين لما صدر، ونسيانيين شوي من الأحداث يلي صارت، بهي الحلقة حإحكي عن أهم الأحداث السابقة وكمان ممكن تساعد بعض المستمعين على ترتيب الأحداث بالتسلسل الزمني الصحيح. بعدين حإنتقل لأحكي عن نهاية الموسم الأول! ووين الأحداث الأخيرة تركت الشخصيات الرئيسية. بتمنى حلقة البودكاست تعجبكن، وإذا حبيتوها دعموني بلايك وكومنتات على الخدمات يلي بتسمعوا الحلقات عليها.

حلقة بودكاست من دون سبويلرز بحكي فيها عن فيلم سبايدرمان نو واي هوم. شو الأشياء يلي كانت حلوة بالفلم؟ مين الشخصيات يلي عجبتني؟ كيف كانت تجربة مشاهدتي لإلو.

حلقة بحكي فيها عن ثلاثية أفلام ذا ماتريكس، ملخص عن الأحداث يلي صارت فيها وبقدم رأي بهالأفلام. وكمان بعمل على مراجعة فيلم ذا ماتريكس 4 الجديد.

توديعاً لعام 2021 خصصت هالحلقة، يلي بحكي فيها عن التوب 5 أفضل مسلسلات تابعتها هذا العام وكمان التوب 5 أسوأ مسلسلات تابعتها بهذا العام.

بهي الحلقة من البودكاست وهي المرة بدل ما إحكي عن أفضل أعمال شفتها بهي السنة، رح خصص هذا الوقت لإحكي عن ممثلين حبيتون وظهروا بشخصيات فاجأتني وقدموا أداء تمثيلي مميز بالنسبة إلي.

حلقة بودكسات بحكي فيها عن نهاية الموسم الجديد من ديكستر، الموسم ككل حلو وبيشد المشاهد ولكن النهاية فشلت للمرة التانية إنها تقدم شي بيليق بالمتابعين وبشخصية دكستر نفسها. بهي الحلقة بحكي عن الأشياء يلي ما عجبتني بالحلقة الأخيرة، وكمان بحكي عن الأسباب يلي بنظري أدت لهذا الفشل.

حلقة خاصة بعرض فيها أهم الأفلام يلي حتصدر هذا العام، هي القائمة فيها أعمال عديدة منها أفلام أنا متشوقة لشوفها ومنها حاصلة على ضجة كبيرة من الفانز. هي الحلقة فيها موعد عرض 22 فيلم بهذا العام. وأكيد في أكتر.

حلقة بحكي فيها عن أربعة أفلام تابعتها هذا الأسبوع على خدمات مشاهدة مختلفة من أمازون برايم وآبل بلاس ونتفليكس. بالفقرة المخصصة لفيلم نتفليكس العربي أصحاب ولا أعز حتنضم لإلي ضيفة (هويدا) ومع بعض مناقش فكرة الفيلم والهجوم يلي عم يتعرضله هذا العمل. Being The Ricardos - Swan Song -The Tragedy of Macbeth - أصحاب ولا أعز.

حلقة بودكاست جديدة لمراجعة مسلسلين على نتفليكس، الأول هو ذا وومان إن ذا هاوس ومسلسل نتفليكس الكوري أوول أوف أس آر ديد - القسم يلي بيتعلق بذا وومان إن ذا هاوس ما حيكون كتير إيجابي على عكس أوول أوف أس آر ديد - من دون سبويلرز! يعني إذا لسا ما حضرتوهن فيكن تسمعوا الحلقة لتعرفوا شو تتوقعو من هالمسلسلين.

حلقة جديدة بحكي فيها عن مجموعة مسلسلات مهمة منتظرة حيبدأ عرضها بشهر فبراير وشهر مارس، أكيد في أكتر من المسلسلات يلي حإذكرها اليوم، بس اخترت أعمال أنا شخصياً منتظرتها وأعمال تانية إلها فانز وجمهور كبير. القائمة فيها 14 مسلسل منها مسلسلات جديدة ومنها مواسم جديدة لأعمال سابقة.

حلقة بودكاست جديدة خصصتها لترشيحات جوائز الأوسكار. بحكي فيها عن المرشحين بالفئات الرئيسية، وكمان بلقي الضوء على عدد من الترشيحات المهمة بفئات تانية فرعية! لما احكي عن الفئات والمرشحين، رح خبركن عن توقعاتي لمين حيفوز. الفئات يلي بحكي عنها هي أفضل فيلم - أفضل ممثل/ممثلة بأدوار رئيسية - أفضل ممثل/ممثلة بأدوار مساندة - وأفضل مخرج.

حلقة جديدة بحكي فيها عن رأي بفيلمين شفتهن هذا الأسبوع بالسينما، بالأول بحكي عن فيلم الجريمة والغموض ديث أون ذا نايل وبعدها بحكي عن رأي بفيلم أنتشارتد يلي رأي فيه أبداً ما كان إيجابي.

حلقة بودكاست جديدة بعرف فيها المستمعين على 3 مسلسلات جديدة. الحلقة بشكل عام منها حلقة مراجعة فقط، الهدف منها هو إني عرف المستمعين على هذه الأعمال لتعرفوا إذا هي من ذوقكم وعلى موودكم. Three New TV Shows on Apple TV + The After Party + Suspicion + Severance

حلقة بودكاست لمراجعة فيلم ذا باتمان من دون سبويلرز بحكي عن أداء التمثيل من الممثل روبرت باتينسون وزوي كرافيتس وكولين فيريل وغيرهن. بحكي كمان عن رؤية المخرج لهذا العمل والأسلوب المستخدم بعرض الأحداث. وبالآخر بضم مجموعة من آراء المستمعين يلي حضروا الفيلم وشاركوني آراءهم على الإنستغرام.

حلقة مراجعة مسلسلين على نتفليكس إنفينتينغ آنا وبيسز أوف هير. بالأول ما كنت مفكرة إني أعمل مراجعة لهالعملين بصراحة، وخاصة إنفنتينغ آنا بس بعد ما حضرت مسلسل بيسز أوف هير - اقتنعت انو لازم إحكي عنهم مع بعض! أول شي لأنون على نتفليكس وتاني شي لأنو التنين حسسوني نفس الشعور - بعرف إنون ما بيشبهو بعض بالتصنيف والطابع العام، بس لما انتهيت منهن طلعو بيشبهوا بعض بالتقييم! خلوني خبركن كيف.

حلقة بودكاست بحكي فيها عن مسلسلين الأول هو مسلسل ذا توريست والتاني هو مسلسل ذا ثينغ أباوت بام. الفقرة يلي رح إحكي فيها عن مسلسل ذا توريس رح تكون شوي أطول من فقرة ذا ثينغ أباوت بام - لأنو ذا توريس كامل وحضرت كل حلقاته، يعني بقدر قيمه بطريقة كاملة. أما ذا ثينغ أباوت بام لسا عم تعرض حلقاته أسبوعياً - التنين من نوع جريمة ودراما، حبيتهن بس أكيد فيه حكي أكتر.

حلقة بودكاست بجمع فيها عدد من المواضيع، بحكي أول شي عن حفل توزيع جوائز الأوسكار ومين الفائزين. بنتقل بعدها لمراجعة الفيلم الكوميدي الرومانسي ذا لوست سيتي، وبالآخر بعمل على مراجعة فيلم الآكشن والمطاردة آمبولانس.

حلقة بودكاست حوارية مخصصة لشهر رمضان المبارك. مناقشة أنواع الأعمال العربية والعناصر اللي ممكن تسبب ضعف لهي الإنتاجات. شو أهم المسلسلات بهي السنة ومين من الممثلين مش متواجدين بالماراثون الرمضاني.

تكملة لحديثنا الأسبوع الماضي بأول حلقة لشهر رمضان، اليوم استضفت معي الصديقة والزميلة العزيزة سارة وأكيد كانت معنا جمان حكينا عن عدد من الأعمال يلي عم نتابعها بالإضافة إلى أعمال تانية كنا نحبها سابقاً كتير.

هي الفترة تابعت العديد من الأعمال منها مسلسلات عربية ومنها مسلسلات أجنبية، فحبيت خبركن عنها بهي الحلقة. المسلسلات هن من شارع الهرم إلى ومسلسل مع قيد التنفيذ، وبالجانب الأجنبي تابعت مسلسل أناتومي أوف إيه سكاندال ومسلسل ذا ثينغ آباوت بام.

مسلسلين مقتبسين من أحداث حقيقية، شخصيات حقيقية وشركات حقيقية، بس السؤال هو قديش فعلاً هالشركات حقيقية وشو هي الأكاذيب يلي لجألها أصحابها ليتمكنوا من الحصول على مبالغ استثمار لتمويل أحلامهم وطموحاتهم غير المنطقية. بحكي بالحلقة عن كل مسلسل لحاله بالأول، لعرفكن على طابعهن العام، وبالآخر بعمل على المقارنة بيناتهن وأي واحد حبيت أكتر وليش.

حلقة بودكاست حوارية لمناقشة مسلسل سيفرانس. أول 20 دقيقة من الحلقة من دون سبويلرز منعرّف المستمعين على المسلسل بشكل عام ومن بعدها منفوت بنقاش مطول لفصفصة أحداث هذا العمل المميز والمختلف عن أي شي حضرناه من فترة طويلة شكراً لـ Apple TV Plus. بالحلقة حكيت عن رسائل مخصصة لهذا المسلسل تم إصدارها بعد عرضه، وفيها معلومات كتير حلوة.

حلقة لمراجعة فيلم دكتور سترينج الجديد، بالأول من دون سبويلرز للمستمعين اللي ما تابعوه وبعدين مع سبويلرز وحوار مطول عن الأشياء يلي ما عجبتنا وما حبيناها وكمان بضم آراء المستمعين وبناقش العديد من النقاط المهمة يلي أرسلولي ياها على الإنستغرام.

حلقة مخصصة لمراجعة المسلسل الجديد ذا تايم ترافلرز وايف وهو مقتبس من الرواية ومستند على الفيلم يلي صدر بالـ2009 بهي الحلقة حيكون معي ضيف مميز وهو الناقد السينمائي من المغرب زكريا ومع بعض حنعمل على مراجعة هذا العمل وكمان حنحكي عن موضوع صناعة نسخ جديدة من أعمال قديمة، شو الإيجابيات وشو السلبيات.

حلقة خاصة بحكي فيها عن المحاكمة يلي اكتسحت الأخبار والسوشال ميديا قضية الممثل جوني دِب وآمبر هيرد، بحكي عن أهم المواقف يلي كان إلها تأثير على مجرى الأحداث وكان أكيد إلها تأثير كبير على الرأي العام عن آمبر. الحلقة هي رأي شخصي وعرض للأحداث يلي صارت بكل بساطة، من دون أهداف ونوايا شخصية مخباية، الهدف منها أبداً مش الإستخفاف بهيك نوع من الأذى الجسدي والنفسي - ولكن هيدي الحلقة هدفها هو عرض معلومات، ترفيه واستمتاع وتسلية، فقط لا غير.

حلقة حوارية مميزة جداً مع ضيف مميز، علي من بودكاست من الأول. ومع بعض حكينا عن مسلسل ذا أوفر وشو رأينا فيه من دون سبويلرز. وما قدرنا أبداً ما نفوت بتفاصيل أفلام ذا غادفاذر - ليش تعتبر هذه الأفلام من أهم الإنتاجات السنمائية وشو القصص يلي صارت خلف الكواليس ليتم بالآخر تقديم هيك تحفة فنية رائعة.

خدمة ديزني بلس صارت متوفرة بالوطن العربي وعليها في كتير أعمال من أفلام لمسلسلات، من الكلاسيكيات المشهورة لأحدث الإنتاجات المميزة. بهي الحلقة حإحكي عن مجموعة من المسلسلات يلي تابعتها بهذا الأسبوع و حأعمل حلقات أكتر مخصصة للمحتوى المتوفر على هي الخدمة.

حلقة بودكاست كنت حابة قدمها من زمان، لأني بحب أفلام ديزني الكلاسيكية من أيام الطفولة. هالأفلام علمتني دروس كتير مهمة وأكتر شي علمني دروس هن شخصيات الأشرار بهي القصص. توب 5 لأكتر شخصيات شريرة أثرت فيّ وعلمتني دروس مهمة بالحياة.

الصيف بدأ وبدأت الإجازات والسفرات، إذا مش مسافرين أو عندكم وقت لمتابعة التلفزيون والمسلسلات حبيت قدم سلسلة من الحلقات يلي فيها قائمة بالمسلسلات الموجودة على خدمات الستريمينغ، وبهي الحلقة حقدم مجموعة مسلسلات متوفرة على خدمة آمازون برايم فيديو. بصراحة عندهن عدد كبير ورائع من المسلسلات يلي ما كتير الأشخاص بيحكوا عنها وما بيعرفوها حتى.

المسلسلات يلي حكيت عنها بهي الحلقة هن The Victim + From + The Outsider + Sharp Objects + The Thing About + Pam + The Tourist + Hacks + Succession + The Great + Mare of Easttown

حلقة حوارية مع هويدا حكينا عن فيلم ثور: لوف آند ثندر، بالأول أكيد من دون سبويلرز وبعد الدقيقة 15 منفوت بتفاصيل ومشاهد حبيناها وكمان مشاهد ما حبيناها وبالآخر قرأنا كومنتات من المشاهدين خبّرونا عن رأيهن بالفيلم. صحيح نحن حكينا عن الفيلم، بس ما قدرنا ما نناقش مواضيع تانية، جلسة دردشة بجدارة.

حلقة بودكاست بحكي فيها عن فيلم نتفليكس الجديد ذا غراي مان من دون سبويلرز، الفيلم أكيد ما كان قد التوقعات العالية متل معظم أفلام الآكشن على نتفليكس وبالحلقة حكيت عن المشاكل يلي عم تواجه هذا النوع من الأفلام، خاصة يلي من إنتاج خدمة نتفليكس.

صار وقت حلقة البودكاست الحوارية يلي كنت منتظرة أعملها من زمان Apple TV+حكينا عن أكتر الأعمال يلي عجبتنا وحبيناها كتير. ومتل حلقتنا السابقة أنا وهويدا حكينا عن كتير مواضيع تانية، فإذا حابين تسمعوا زيادة دردشة، كلها موجودة بآخر الحلقة.

حلقة حوارية ونقاش ودردشة طويلة عن شوية أعمال حضرناها هذا الأسبوع، ثلاث مسلسلات ما قدرت كملها ولكل واحد من هي المسلسلات أسبابه الخاصة وأكيد حكينا عن الحلقة الأخيرة من مسلسل بلاك بيرد يلي تميز بكل جدارة، وجزء كبير من الحوار كان عن فيلم براي وفيلم بوليت تراين. بتمنى تعجبكن الحلقة، وشاركوني آراءكم على إنستغرام.

شو حضرت هذا الأسبوع؟ كتير أفلام ومسلسلات ما عم لحق إحكي عنها، وخصص حلقة لكل شي لحاله. رجعتلكم بهي الحلقة لحالي لخبركن عن فيلم بيست ومسلسل شي هالك ومسلسل فايف دايز آت ميموريال. شاركوني آراءكم واسمعوني للآخر لأني استرسلت بالحكي عن أشياء ما خصها بالتلفزيون.

الفيلمين يلي حكيت عنهم بهي الحلقة هن أفلام بنصحكم تشوفوها، لازم تشوفوها! ولأنكن طلبتوا مني إحكي عن مسلسل هاوس أوف ذا دراغون، خصصت فقرة كبيرة بالحلقة لإله. شو بتتوقعوا حبيته أو لأ؟ وبالآخر، لأنو الحلقة فيها كتير حكي عن المشاعر، استرسلت بالحديث بموضوع أهمية المشاعر بحياتنا وخاصة المشاعر السلبية. طبعاً شكر كبير للمستمعين يلي اقترحوا عليّ إحضر الفيلمين تبع حلقة اليوم.

شو حضرت هذا الأسبوع؟ وين صرت بمسلسل بتر كول سول وشو رأي فيه لهلأ؟ ليش قررت وقف متابعة مسلسل شي-هالك؟ شو رأي بالحلقة السادسة لمسلسل فايف دايز آت ميموريال؟ وأهم موضوع أكيد وهو إله الحصة الأكبر بهي الحلقة، مسلسل لورد أوف ذا رينجز ذا رينجز أوف باور، يمكن هذا القسم من الحلقة يكون فيه شوي سبويلرز للمستمعين يلي ما حضروه، شوي سبويرلز مش كتير لأنه ما بحس المسلسل فيه شي ممكن ينحرق.

حلقة جديدة بحكي فيها عن مسلسل كتير كتير عاجبني وبنصحكن فيه بس لازم أكيد تعرفوا طابعه العام لتعرفوا إذا حيعجبكم، بس إذا في ثقة بذوقي معناتها حتحبوه. وأخيراً حضرت فيلم نوب وحخبركن شو رأي فيه، وأهم قسم بهي الحلقة هو الحكي عن الحلقة الرابعة لمسلسل هاوس أوف ذا دراغون.

نتائج جوائز الإيميز ما كانت إيجابية وفيها كم جائزة كانوا غريبين كتير، وبما إني حكيت عن النتائج استغليت الفرصة لإرجع شدد على كم مسلسل حبيتهم كتير وحسيت إنو ما قنعتكم كفاية إنو تحضروهن وخلصت مسلسل فايف دايز آت ميموريال، شو كان تقييمي النهائي إله من دون سبويلرز وليش هذا الأسبوع كان أسوأ أسبوع بحياتي (مع شوية مبالغة طبعاً).

حلقة جديدة بحكي فيها عن مسلسل جديد على نتفليكس عجبني كتير عن القاتل جيفري دامر، بس كمان حضرت فيلم على نتفليكس ما حبيته أبداً واسترسلت بانتقاده أكيد، بعد ما خلصت حكي عن الفيلم يلي ما حبيته انتقلت لفيلم جوليا روبرتس وجورج كلوني الجديد،، وطبعاً القسم الأخير مخصص للحلقة السادسة من مسلسل هاوس أوف ذا دراغون بس بين كل هالأعمال كان لازم إحكي عن مسلسل عم إحضره وبنصحكم فيه كتير.

بعد غياب أسبوعين رجعت بحلقة بودكاست جديدة فيها كتير حكي، أهم شي إنو في مجموعة أفلام أكتر من مسلسلات، وبتحتل الصدارة نتفليكس بثلاث أفلام ما حبيتهم أبداً. بالجانب الإيجابي مسلسل ذا بير حبيته كتير وأكيد بآخر الحلقة حإحكي عن الحلقة التامنة لمسلسل هاوس أوف ذا دراغون وفي كتير أعمال تانية ذكرتها على السريع.

دايماً بيشاركني بتعليقاته المميزة على حلقات البودكاست، وشخصياً بستمتع كتير بالبوستات يلي بيحطها على حسابه على إنستغرام، وهو من الفانز لعالم غايم أوف ثرونز، فحبينا نستغل الفرصة ليكون ضيف معي بهي الحلقة (عمار) من السعودية لأول مرة معي على البودكاست وكمان أول تجربة بودكاست إله (بعيداً عن نطاق السوشال ميديا) وأهم شي إنو حكينا مع بعض عن مسلسل هاوس أوف ذا دراغون وكيف كانت تجربة مشاهدتنا إله. مين أكتر شخصية حبيناها؟ وأي أكتر حلقة أثرت فينا؟ ومقارنة سريعة بمسلسل رينغز أوف باور، وقرأنا كم تعليق من المستمعين. بتمنى الحلقة تعجبكن. حساب عمار على الإنستغرام.

رجعتلكن بحلقة أسبوعية جديدة لحالي، جمّعت فيها عدد كبير من الأعمال يلي حضرتها بهي الفترة. مسلسل كاندي على ديزني بنصحكن فيه، ومسلسل اتذكرت إني حبيته كتير من شي سنة وما حكيت عنه على نتفليكس. وأكيد في أعمال تانية على نتفليكس ما عجبتني فحبيت نبهكن منها. بتمنى تعجبكن الحلقة وفيها أمنية متل العادة.

أعمال بنصحكن تحضروها

مع آخر السنة بتبدأ خدمات المشاهدة بعرض الأفلام العائلية، تابعت مجموعة منها حخبركن شو كان رأي فيها، واكيد مسلسل ونزداي حياخد قسم كبير من حلقة البودكاست، بالإضافة لعدد من المسلسلات يلي عم تابعها ولسا ما خلصتها.

حلقة بودكاست بحكي فيها أول شي عن فيلم الكريسماس يلي كتير حبيتو كوميدي موسيقي درامي (سبيريتد)، وكمان بخبركن شو إنطباعي عن المسلسل الوثائقي يلي عرض حياة الأمير هاري وزوجته ميغان، وأكيد أكيد أهم فقرة بالبودكاست وهي عن فيلم السنة يلي رجعلي ثقتي بالأفلام، أفاتار ذا واي أوف ووتر.

سنة 2022 من أكتر السنين يلي كان فيها مسلسلات حبيتها، بهي الحلقة من البودكاست جمعت كل المسلسلات اللي حضرتها وعجبتني. وأحلى شي إنو معي ضيفة ومع بعض حكينا عن التوب 10 لمسلسلاتنا المفضلة بـ2022 وأكيد في كم مسلسل نسينا نحكي عنهن خبروني شو رأيكن بأعمال السنة الماضية وشو أكتر عمل حبيتوه.

حلقة جديدة من دون سبويلرز للأحداث، بحكي فيها عن مجموعة أعمال تابعتها، مسلسل ما عجبني أبداً على نتفليكس وحسيته مايل للفشل، وفيلم حبيته كتير مع إنو أكيد ما حيكون من ذوق الكل. أهم شي حإحكي عنه اليوم هو المسلسل يلي كتير العالم ناطرته بهي السنة وهو مسلسل ذا لاست أوف أس، ومن بعد ما قول رأي رح إقرأ مجموعة من التعليقات يلي وصلتني على إنستغرام. ومتل العادة الحلقة فيها شوية حكي خارج نطاق التلفزيون والسينما.