بليلة تلج وبرد

وداد، عايشة لحالها ببيتها مع زهورها، الكل بيفكروها خرفانة وولاد الضيعة بيخافوا منها، ما عدا تياغو وبوب يلّي عم يحتفلوا بعيد البربارة قبل ما توصل على الضيعة عاصفة تلج قوية وتجيب معها أخبار ما كانت بالحسبان.

هيي وعم تفوّت زهراتها من البرد، بتلمح شخص جايي من بعيد صوب الضيعة. بيقرّب هالشخص وبتطلب منّو يفتحلها الباب وبتعزمو يزورها. وفجأة، بتتغطّى الدني بالتلج وبيضطر يبقى عندها حتّى تخلص العاصفة.

ذكريات وداد بلّشت ترجع ورامي كلّو انتباه على تفاصيل قصّتها مع زاهي اللي حبّتو وراح وما عاد رجع.

قصّة زاهي عم توضح أكتر ووجع وداد عم يرجع يكبر، ورامي عم يسأل كلّ الأسئلة اللي حاملها بقلبو وناطر يعرف جوابها.

طلع الضو وراحت وداد وتركت رسالة لرامي طلبت منو يفلّ وما يرجع. ولمّا رجعت عالبيت، لقيت من رامي رسالة رح تشعّل جوّاتها وجع كبير كتير.